«Երեք կառուցվածք». Հնդկական առակ

Ռուսերենից թարգմանեց Արաքս Զուլալյանը

Մի անգամ Ագբարը` հնդիկ թագավորը, նվեր ստացավ երեք  բացարձակապես տարբեր ոսկյա կառուցվածք: Նվիրողը ասաց, որ ամեն մի կառուցվածք ունի իր նշանակությունը և արժեքը:

Ինչո՞վ էին տարբերվում դրանք մեկը մյուսից:

Այս հարցը պետք է լուծեին թագավորի խորհրդատուները: Ինչքան էլ, որ որոնեցին դրանց տարբերությունը, այդպես էլ չգտան:

Իմաստուններից մեկը` Բիրբալը, այնուամենայնիվ շարունակում էր դրանց որոնումները:

Վերջապես, ամեն մի կառուցվածքի ակաջների մեջ նա գտավ փոքրիկ փոս: Դրանց մեջ էլ  իմաստունը անցկացրեց բարակ, ոսկյա թել: Այդ ժամանակ էլ հայտնի դարձավ, որ մեկի մոտ թելը անցավ ականջով, մյուսինը` բերանով, իսկ երրորդ կառուցվածքինը  անցավ սրտի միջով:

Եկավ ժամանակը բացատրելու կառուցվածքների արժեքը ու նշանակությունը:

Բիրբալը այսպես բարցատրեց թագավորին.

-Որոշումը սա է:

Առաջին կառուցվածքը` մարդու խորհրդանիշն է, ում մի ականջով մտնում է, իսկ մյուսով դուրս է գալիս:

Երկրորդը մեզ հիշեցնում է մարդու, ով հազիվ լսելով ասելիքը, շտապում է լսածը պատմել ուրիշներին:

Երրորդ կառուցվածքը  խորհրդանշում է մարդու, ով ուրիշներից ինչ որ բան լսելով, փորձում է անցկացնել իր սրտի միջով: Այս կառուցվածքը ամենա թանկն է երեքի միջից: