Ժուկով ժամանակով` մի մարդու մեջ ապրում են Երջանկությունն ու Ցանկությունը: Թվում էր`էլ ի՞նչ է պետք ապրելու ու ուրախանալու համար: Բայց Երջանկությունն ու Ցանկությունը ոչ մի կերպ չեն կարողանում իրար հետ յոլա գնալ: Երջանկությունը ոչ մի կերպ չի հասկանում Ցանկության կատաղի բնավորությունը, իսկ Ցանկությունը չի հասկանում` ընդհանրապես ինչ է պետք Երջանկությանը:
Երբ Ցանկությունը շատ փող է ուզում, որպեսզի մարդն ազատ ապրի, սկսում է նրան հարստանալու
միջոցների փնտրտուքների դրդել: Իսկ այդ ժամանակ Երջանկությունը պարապ նստած է լինում
տանը և ձանձրանում է: Կամ էլ Ցանկության խելքին փչում է գայթակղել մի գեղեցիկ կնոջ:
Եվ ահա մարդն իր Ցանկության հետ միասին վազում է դեպի մարզասրահ, ուսումնասիրում է
նոր մոտեցումներ`ինչպես անես, որ կանանց հարցում հաջողության հասնես և իհարկե գումար
վաստակես: Եվ նորից Երջանկությունը գործի մեջ չի, նրա համար ժամանակ չկա: Ցանկությունն
ամեն ինչ մարդու համար է անում, իսկ Երջանկությունն անընդհատ ինչ-որ բանից դժգոհ է:
Մի անգամ Երջանկությունն ասում է Ցանկությանը.
-Արի, հիմա էլ ես մարդու հետ զբաղվեմ, իսկ դու նստիր ու հանգստացիր:
Եվ ես քեզ ցույց կտամ`իրականում ինչ է պետք նրան:
Այդպես էլ անում են: Մարդն իր սիրելի Երջանկության հետ վայելում
է մաքուր օդը, աստղային երկինքը, ընկերների հետ հանդիպումները, սիրելի զբաղմունքները,
և ոչինչ նրան հարկավոր չէ: Չէ՞ որ այսպես էլ է լավ:
Հիմա արդեն Ցանկությունն է նստած տանը, ձանձրանում է անգործությունից
և զարմանում. «Ի՞նչ ես անում, Երջանկությո՛ւն: Ախր, դու այսպես մարդուն առանց գրոշի
կթողնես, և ընդհանրապես, մի դրա երջանիկ կամ, ավելի վատ, թմրամոլի տեսքին նայիր: Ով ինչ օգուտ ունի սրանից: Շուտով իրեն էլ այս ամենը երջանկություն չի բերի: Իսկ ես մտադիր չեմ լռել»:
Այդ ժամանակ Երջանկությունն ու Ցանկությունը պայմանավորվում են հաշտություն
կնքել, մարդու համար միասին ինչ-որ բան անել: Մտածում են տանել մարդուն առողջարանային գոտի: Ե՛վ Ցանկությունը տեղ ունի գնալու, և՛ Երջանկության համար է լավ: Դրանք հիանալի՜ օրեր էին: Վերջապես մարդու մեջ Երջանկությունն ու Ցանկությունը հաշտ էին ապրում: Բայց, հենց որ մարդը վերադառնում է հանգստից, ամեն ինչ նորից է սկսվում:
Այդ ժամանակ Երջանկությունն ու Ցանկությունը սկսում են մտածել, թե ինչ անեն: Միասին ամեն ինչ
միայն կարճ ժամանակավոր է ստացվում: Իսկ առանձին ընդհանրապես ոչ մի լավ բան չի ստացվում: Այդ ժամանակ որոշում են, որ ամեն մեկն իր ձևով կլինի մարդու հետ, ոչ մեկ գլխավորը չպետք է լինի և չխանգարի մյուսին: Եթե Ցանկությունը այդքան ուզում է, թող նպատակներ դնի,
կյանքի խնդիրներ լուծի: Մի խոսքով, թող մարդու արարքների համար պատասխան տա: Իսկ Երջանկությունը
պատասխանում է մարդու ուրախության զգացումի, հաճույքի ու շնորհակալության համար, այն
ամենից, ինչ մարդն ունի կյանքում: Բայց նրանք ապրում են ոչ թե միասին, այլ զուգահեռաբար:
Այսուհետ Երջանկությունը կախված չէ Ցանկությունից և ուղղակի միշտ մարդու հետ է, անկախ նրանից, թե ինչ և ինչպես է նա անում: Իսկ Ցանկությունը կախված չէ Երջանկությունից և անում է այն, ինչ անհրաժեշտ է մարդուն:
Այսուհետ Երջանկությունը կախված չէ Ցանկությունից և ուղղակի միշտ մարդու հետ է, անկախ նրանից, թե ինչ և ինչպես է նա անում: Իսկ Ցանկությունը կախված չէ Երջանկությունից և անում է այն, ինչ անհրաժեշտ է մարդուն:
Այսպես էլ մարդու մեջ բնակվում է Ներդաշնակությունը: Բայց
սա լրիվ ուրիշ պատմություն է:
Ռուսերենից թարգմանեց Արաքս Զուլալյանը
Комментариев нет:
Отправить комментарий
Մեկնաբանություններ գրելուց գրեք հայատառ