Եթե մարդը վատ արաք է գործում, դեռ չի նշանակում, որ նա չարագործի, գողի ու սրիկայի մեկն է,
ինչպես իրեն էր զգում Հերման Հեսսեի «Մանկան հոգի» պատմվածքի
հերոսը`փոքրիկ տղան:
Միգուցե պատահաբար
է ստացվել, կամ էլ իրավիճակից
դրդված է գործել: Ավելի վատ է,
երբ վատ արարք ես գործում, դրա հետ մեկտեղ չես ընդունում
արարքդ, կամ էլ գցում ես ուրիշի վրա:
Ինձ համար պատմվածքի
հերոսը բարձր էր բոլորից, ուներ իսկական մարդու հատկանիշներ: Համենայն դեպս, քաջ գիտակցում էր իր արարքը: Անելուց հետո էլ սկսում է վերլուծել ու փորձում հասկանալ, ինչը դրդեց իրեն այդ քայլին գնալ: Դա նրա համար դժբախտություն էր: Հետո իրեն զգում է աշխարհի ամենավատ մարդը: Տանջվում է խղճի խայթից: Ասում են չէ`մարդու ամենաանզիջում
դատավորը խիղճն է: Եթե խիղճդ մաքուր չեղավ, ով ուզում է,
թող ների, միևնույն է, քեզ մեղավոր ես զգալու:
Այդ ամենից հետո նրան պետք էր ազատվել այդ վատ զգացումից:
Դրա միջոցն էլ հենց ինքն է գտնում: Ընկնում է ծեծկռտուքի
մեջ, իրեն պատժում: Այսպես ասած, մեղքերի թողություն է անում:
Այդպես նա իրեն ավելի մաքուր ու ազատ մարդ էր զգում: Արդեն հանգիստ էր իր խղճի առջև: Սիրում էր կյանքը, կարծում էր, որ կարելի է ապրել:
Ինքն իրեն ավելի ճիշտ ու ժամանակին ներեց, քան հայրը: Կարծես հոր ներումն արդեն ուշացումով
էր:
Կարծում եմ`եթե ուզում ենք մեր խղճի հետ հաշտ ապրել, ուրեմն պետք է վերլուծենք մեր ամեն մի քայլը: Գտնենք սխալը մեր մեջ: Չմեղադրենք
ուրիշներին: Այդ դեպքում կփոխվի մեր մտածելակերպը
և իրավիճակը:
Комментариев нет:
Отправить комментарий
Մեկնաբանություններ գրելուց գրեք հայատառ